Ի՞նչ է փոստային կապի գործունեության լիցենզիան

Փոստային կապի գործունեության լիցենզիան փոստային կապի գործունեությամբ զբաղվելու իրավունքը հաստատող պաշտոնական թույլտվություն է, նաև՝ այդ իրավունքը հաստատող պաշտոնական փաստաթուղթ:

Փոստային կապի գործունեության լիցենզիայի շրջանակներում լիցենզավորվում է ինչպես փոստային կապի ծառայությունների գործունեությունը, այնպես էլ սուրհանդակային կապի ծառայությունների գործունեությունը:

Լիցենզիային կից տրամադրվում են փոստային կապի ծառայությունների գործունեության և սուրհանդակային կապի ծառայությունների գործունեության ներդիրներ:

Ինչպե՞ս դիմել

Լրացրեք լիցենզավորման գործընթացի անհրաժեշտ փաստաթղթերի հետևյալ ձևանմուշները.

• Հայտ, ձև 1
• Հայտ, ձև 2
• Հայտ, ձև 3

Լիցենզիա ստանալու համար լրացրեք հայտը, համաձայն N 1 ձևի:

Հայտերին կից ներկայացրեք՝

• հայտում նշված գործունեության տեսակի իրականացման համապատասխան կանոնները (փոստային կապի ծառայությունների և (կամ) սուրհանդակային կապի ծառայությունների),
• փոստային և (կամ) սուրհանդակային կապի ծառայություններից օգտվողներին սպասարկելու համար սպասարկման գրասենյակի (շինության) սեփականության կամ օգտագործման իրավունքի պետական գրանցման վկայականի պատճենը,
• անհրաժեշտ տրանսպորտային միջոցների հաշվառման վկայագրերի, վարձակալության կամ անհատույց օգտագործման իրավունքը հավաստող փաստաթղթերի (պայմանագիր) պատճենները.
• անձնագրի պատճենը (անհատ ձեռնարկատերեր)

Լրացված ձևանմուշները կարող եք ներկայացնել երեք տարբերակով.

Տարբերակ 1. e-gov.am հարթակի միջոցով.

• ընտրեք գործունեության տեսակը և բնագավառը, դիմումն ուղղեք ՀՀ բարձր տեխնոլոգիական արդյունաբերության նախարարություն
• ընտրեք «իրավաբանական անձ» դաշտը
• վավերացրեք էլեկտրոնային ստորագրությամբ (հայտը կընդունվի նաև էլեկտրոնային ստորագրության բացակայության դեպքում)

Տարբերակ 2. հանձնել առձեռն.

• ներկայացրեք լրացված և ստորագրված փաստաթղթերը ՀՀ բարձր տեխնոլոգիական արդյունաբերության նախարարության համապատասխան բաժնի աշխատակցին (անհրաժեշտ է ներկայանալ անձը հաստատող փաստաթղթով)

Տարբերակ 3. ուղարկել փոստով՝

• ՀՀ, Երևան 0010, Վազգեն Սարգսյան 3/3 հասցեին

Լիցենզավորված կազմակերպությունների ցանկ